社会福利署义工运动电视宣传短片内容描述 1页

社會福利署義工運動電視宣傳短片內容描述電視宣傳短片畫面內容描述畫面內容描述：畫面見到水電工程舖老闆，手持家居浴室扶手零件，由舖頭出發。場景轉變。見到婆婆企喺屋企嘅露台，之後去打開鐵閘，畀水電工程舖老闆入去浴室安裝扶手。安裝完成之後，婆婆感到安心，水電工程舖老闆都覺得好開心，喺心裡面講：水電工程店老闆：可以用我嘅技能幫到老人家維修屋企嘅設施，我自己都好開心！畫面內容描述：場景轉變。見到另一位婆婆著住圍裙，喺社區中心教一班婦女包茶果。現場嘅學習氣氛良好，大家樂也融融，打成一片，婆婆喺心裡面講：婆婆：原來我識嘅嘢同經驗都可以幫到人㗎！畫面內容描述：婦女學有所成，其中一位好滿足咁捧住自己親手包嘅茶果，佢講：少婦︰我學識喇！畫面內容描述：場景轉變。見到一個青年人喺公屋單位裡面，幫鄰居三個少數族裔小朋友補習中文，佢好畀心機教佢哋，佢講：青年人︰要留心啲喎！畫面內容描述：畫面見到少數族裔小朋友好畀心機學寫字，又對青年人表達感謝，佢講：少數族裔兒童︰好彩有哥哥教我咋！畫面內容描述：青年人見到少數族裔小朋友投入學習，仲歡送佢返屋企，佢喺心裡面講：青年人︰係你哋，令我有信心去幫更多人！畫面內容描述:場景轉變。見到水電工程舖老闆因為幫咗婆婆而微笑；旁白講：旁白︰將義務工作嘅精神融入生活......畫面內容描述:畫面又見社區中心嘅婆婆因為教識咗婦女包茶果而微笑。旁白講：旁白︰既幫到人，自己亦有得著。義工，生活新態度！畫面內容描述：電視宣傳短片結束，播出尾鏡，顯示口號「義工　生活新態度」同義工運動網站嘅網址︰www.volunteering-hk.org。